Para celebrar o Día Internacional da Infancia, os rapaces e rapazas do IES Porto do Son invitaron aos máis cativos (infantil e primeiro) ao seu centro para relatarnos "As contadas", seis contos narrados cunha pequena escenificación. Algúns deles xa coñecidos polos nosos nenos e nenas...
Os anfitrións tratáronnos con moito agarimo, recibíronnos na porta, axudáronnos a baixar as escaleiras e a acomodarnos nas butacas.
Ao final pediron un voluntario para contar a historia de "Carapuchiña Vermella", aínda que foi máis dunha narradora a que se animou.
Para rematar, e por portarnos tan ben, déronnos unha lambetada.
Grazas rapaces por contar connosco!!
No hay comentarios:
Publicar un comentario